Í ALVÖRU
Í ALVÖRU er verkefni okkar í Krónunni sem snýst um að minnka notkun á plastburðarpokum í verslunum Krónunnar. Þannig stígum við saman skref í átt að umhverfisvænni verslun og betra samfélagi.
Með verkefninu Í ALVÖRU viljum við minna á hversu mikil áhrif plastburðarpokar hafa á umhverfið. Meðalnotkunartími eins plastburðarpoka er að meðaltali um 25 mínútur á meðan þeir eru mörg ár að brotna niður í náttúrunni. Er pokinn þess virði? Við getum öll gert betur, saman.
Notum fjölnotapoka
Fjölnotapokar
Þó plastburðarpokar okkar séu um 80% endurvinnanlegir viljum við gera enn betur til að vinna gegn plastnotkun. Fjölnotapokar verða því til sölu í öllum verslunum Krónunnar.
Við getum öll byrjað einhvers staðar. Fjölnotapokarnir eru á góðu verði og munu margborga sig þegar litið er til náttúrunnar og buddunnar.
PlastPlast
Plast er í lífi okkar allra á hverjum degi. Það er þó óþarfi í allt of mörgum tilfellum. Endingartími plasts er mjög langur og það er slitsterkt.
Hins vegar hverfur það hvorki né eyðist auðveldlega, heldur brotnar það í smærri hluta í náttúrunni.
Plast er búið til úr verðmætum efnum
Tveir lítrar af olíu fara í framleiðslu á einu kílói af plasti.
Allt of mikið magn af þeirri náttúrulegu og verðmætu auðlind sem olían er fer í að búa til plast, sem við síðan hendum beint í ruslið, oft eftir aðeins eina notkun.
Áhrif plasts á hafið
Plast sem er hvorki endurunnið né fargað á réttan máta dagar uppi í náttúrunni og hefur spillandi áhrif á hana. Plast er létt efni sem flýtur vel og getur borist um hundruði kílómetra.
Gríðarstórir flákar af plasti hafa þegar myndast í Kyrrahafi, Atlantshafi og Indlandshafi vegna hafstrauma.
Plast festist í hringstraumum hafsins og veldur varanlegum skaða á lífríki þess.
Hvað getur
þú gert?
Flokka plast fyrir endurvinnslu
- Flokkum rusl til endurvinnslu
- Notum sérílát eða fjölnotapoka undir plast og pappa samhliða heimilissorpi
- Pöntum tunnur fyrir plast- og pappaúrgang
Fjölnotapokar
- Notum fjölnotapoka í stað plastburðarpoka og spörum þannig pening og minnkum notkun á plasti
- Geymum fjölnotapoka og höfum þá til taks í töskunni, í vinnunni, undir barnavagninum eða í bílnum
Nytsamlegir punktar
- Sleppum glæru pokunum undir grænmeti og ávexti
- Veljum margnota ílát eins og glös, glerflöskur og glerkrukkur
- Notum fjölnota bolla að heiman á kaffihúsum
- Veljum frekar nestisbox en nestispoka
- Notum margnota ílát undir matarafganga
- Afþökkum plasthnífapör
- Fáum alla fjölskylduna með í átakið og fræðum um mikilvægi þess
- Deilum þessum ráðum
